Текширувлар давомида:

- 2022 йил 5 апрель куни соат 11:10 ларда, Бектемир туманида жойлашган “Шарқ” ЙПХ масканида хизмат олиб бораётган ЙПХ ходимлари М.Шарипов ва Д.Пайзиевлар томонидан, Тошкент вилоятидан пойтахтга кириб келаётган "Lacetti" русумли автомобиль тўхтатилиб, холис ва гувоҳлар иштирокида текширилганда, ҳайдовчи, 1994 йилда туғилган С.Ф.нинг ёнидаги сигарета қутиси ичидан, 5000 сўмлик пул купюрасига ўралган, жигар рангли, ўткир ҳидли, қуритилган ўсимлик моддаси топилган.

Мазкур ҳолат юзасидан тегишли ҳужжатлар расмийлаштирилиб, фуқаро С.Ф. ва аниқланган модда Бектемир тумани ИИО ФМБга топширилган.

- 2022 йил 5 апрель куни соат 22:00 ларда, Янгиҳаёт туманида жойлашган "Янгиҳаёт" блок-постида хизмат олиб бораётган ЙПХ ходимлари С.Душамов ва Р.Артиковлар томонидан, Тошкент вилоятидан пойтахтга кириб келаётган "Nexia" русумли автомобиль тўхтатилиб, холис ва гувоҳлар иштирокида текширилганда, автомобиль салонидан ҳамда йўловчи Н.И.нинг ёнидан 7 дона оқ рангли, 11 дона оқ-қизил рангли шубҳали дори воситалари ва пичоқ топилган.

Мазкур ҳолат юзасидан тегишли ҳужжатлар расмийлаштирилиб, автомобилда бўлган фуқаролар ва аниқланган воситалар Янгиҳаёт тумани ИИО ФМБга топширилган.

Йўлларда текширувлар давом этмоқда...