2020 йил 26 октябр куни соат 18:45 ларда ҳайдовчи А.Н "Нексия" русумли автомашинасини Оқолтин тумани ҳудудидан ўтган 4Р33 автомобиль йўлининг 9 километрида Гулистон-Учтом йўналиши бўйича бошқариб кетаётиб тезлик юқори бўлганлиги сабабли рул бошқарувини йўқотиб қарама-қарши ҳаракатланиш бўлагига ўтиб кетиб, ушбу йўналишда келаётган "Нива Шевролет" русумли транспорт воситаси билан тўқнашиб йўл транспорт ходисаси содир этган.

Натижада ёнғин келиб чиқиб транспорт воситалари буткул ёниб кетган.

Ҳайдовчиларга ёнғиндан зарар етмаган, ЙТХ натижасида хайдовчилар енгил тан жарохати олиб Оқолтин туман тиббиёт бирлашмасига мурожаат қилган.

Транспорт воситалари тезлигини меъёридан ошириш турли кўнгилсизликларга сабаб бўлиши мумкин. Бу боис барча ҳайдовчилардан автомобиль бошқарганда белгиланган меъёрларга амал қилишларини сўраб қоламиз.

Ўзбекистон Республикаси ИИВ ЙҲХББ Ахборот хизмати