Айни вақтда юртимизга коронавирус пандемияси тарқалиши хавф солмоқда. Ушбу пандемия тарқалиши олдини олиш мақсадида турли кечиктириб бўлмас чора-тадбирлар амалга оширилмоқда. Кўрилаётган чоралардан бири республика ҳудуди бўйлаб, карантин постларининг ташкил этилиши ва транспорт воситаларининг ҳаракатланиши чеклови бўлди. Лекин, айни вақтда барча карантин постларида қишлоқ хўжалик ва озиқ-овқат маҳсулотларини ташувчи барча турдаги транспорт воситалари ҳаракатланиб ўтиши чекланмаган бўлиб, карантин постига яқинлашиб келган транспорт воситаси дезинфекциялангандан сўнг тўсиқсиз ўтказиб юборилмоқда. Суратлар Бухоро вилояти карантин постларидан олинган.

Ўзбекистон Республикаси ИИВ ЙҲХББ Ахборот хизмати