Пойтахт кўчаларида бўлиб ўтган тунги рейдлар давомида:

- 2021 йил 21 сентябрь куни соат 21:20 ларда, Бектемир туманида жойлашган “Бектемир” ЙПХ масканида хизмат олиб бораётган  ЙПХ ходимлари И.Джумабоев ва Ш.Холназаровлар томонидан Тошкент вилояти ҳудудидан Тошкент шаҳри ҳудудига кириб келаётган “Lacetti” русумли автомобиль тўхтатилиб текширилганда, салонда бўлган йўловчи турли хати-ҳаракатлари билан ходимларда шубха уйғотган. Холис ва гувоҳлар иштирокидаги текширув давомида йўловчи, 1981 йилда туғилган С.М.нинг чўнтагидан 3 дона целлофан парчаларига ўралган, жигар рангли, ўткир ҳидли, сақичсимон модда топилган.

Мазкур ҳолат юзасидан тегишли ҳужжатлар расмийлаштирилиб, фуқаро С.М. ва топилган модда Бектемир тумани ИИО ФМБга топширилган.

- 2021 йил 21 сентябрь куни соат 22:30 ларда, Чилонзор туманида жойлашган “Эркин” ЙПХ масканида хизмат олиб бораётган ЙПХ ходими Ф.Саидаҳмедов томонидан Тошкент вилояти ҳудудидан, Тошкент шаҳри ҳудудига кириб келаётган “Lacetti” русумли автомобиль тўхтатилиб холис ва гувоҳлар иштирокида текширилганда, ушбу транспорт воситаси салони, олд чап эшигининг чўнтагидан, қоғоз парчасига ўралган, яшил рангли, ўткир ҳидли, қуритилган ўсимлик моддаси топилган.

Мазкур ҳолат юзасидан тегишли хужжатлар расмийлаштирилиб, ҳайдовчи, 1991 йилда туғилган Б.Ш. ва топилган модда Чилонзор тумани ИИО ФМБга топширилган.

- 2021 йил 22 сентябрь куни соат 01:30 ларда, Яшнобод тумани, Мирзо Улуғбек кўчасида хизмат олиб бораётган ЙПХ ходимлари А.Ўтбосаров ва Н.Дусакуловлар томонидан “Lacetti” русумли автомобиль тўхтатилиб текширилганда, салонда бўлган йўловчи кўриниши ва турли хатти-ҳаракатлари билан ходимларда шубха уйғотган. Холис ва гувоҳлар иштирокидаги текширув давомида йўловчи, 1988 йилда туғилган Э.М.нинг ёнидан тамаки зар қоғозига ўралган, яшил рангли, ўткир ҳидли, қуритилган ўсимлик моддаси топилган.

Мазкур ҳолат юзасидан тегишли хужжатлар расмийлаштирилиб, фуқаро Э.М. ва топилган модда Яшнобод тумани ИИО ФМБга топширилган.

- 2021 йил 22 сентябрь куни соат 02:30 ларда Яккасарой тумани, Ш.Руставели кўчасида хизмат олиб бораётган ЙПХ ходимлари Ш.Эшболтаев ва Б.Рўзиқуловлар томонидан “Lacetti” русумли автомобиль тўхтатилганда, текширув давомида ҳайдовчи, 1997 йилда туғилган Л.Б. кўриниши ва турли хатти-ҳаракатлари билан ходимларда шубха уйғотган. Холис ва гувоҳлар иштирокидаги текширув давомида ҳайдовчи Л.Б.нинг ёнидан 2 дона “Тропикамид” ва 1 дона “Зардекс” номли психотроп дори воситалари топилган.

Мазкур ҳолат юзасидан тегишли ҳужжатлар расмийлаштирилиб, фуқаро Л.Б. ва топилган дори воситалари Яккасарой тумани ИИО ФМБ 2-сонли ИИБга топширилган.