2021 йил 19 сентябрь куни соат 15:45 ларда, Тошкент шаҳар, Олмазор тумани ҳудудида жойлашган “Минерал сувлар” блок-постида хизмат олиб бораётган ЙПХ ходими Б.Аҳмедов томонидан Тошкент вилоятидан пойтахтга кириб келаётган "Lacetti" русумли автомобиль тўхтатилиб текширилганда, салонда бўлган йўловчи, 1997 йилда туғилган О.Р. турли хатти-ҳаракатлари билан ЙПХ ходимида шубха уйғотган. Холис ва гувоҳлар иштирокидаги текширув давомида йўловчи О.Р.нинг чўнтагидан 1000 сўмлик пул купюрасига ўралган, жигар рангли, ўткир ҳидли, қуритилган ўсимлик моддаси топилиб, белгиланган тартибда ҳужжатлар расмийлаштирилган.

Ҳолат тўлиқ ўрганилиши учун фуқаро О.Р. ва топилган модда Олмазор тумани ИИО ФМБга топширилган.