Эл бошига тушмасин ғам,
Садоқати дардга малҳам,
Ҳаловатдан кечиб бу дам,
Постда қолди бугун дадам.

На шарафу на шон учун,
Соғлом ҳар бир инсон учун,
Фароғатдан кечиб бу дам,
Постда қолди бугун дадам.

Ватан учун қалқон бўлиб,
Тинчлик учун посбон бўлиб,
Тўғри йўлга босиб қадам,
Постда қолди бугун дадам.

Постда қолсин, майли дадам,
Бироқ сиз ҳам беринг ёрдам,
Сиз улардан ҳикмат олинг,
Ёрдамингиз уйда қолинг!

Раъно Собитова

Ўзбекистон Республикаси ИИВ ЙҲХББ Ахборот хизмати