2022 йил 2 март куни соат 12:40 ларда, Тошкент шаҳар, Бектемир туманида жойлашган "Шарқ" ЙПХ масканида хизмат олиб бораётган ЙПХ ходимлари А.Пўлатов ва Н.Дўсимовлар томонидан Тошкент вилоятидан пойтахтга кириб келаётган "Epica" русумли автомобиль тўхтатилиб, холис ва гувоҳлар иштирокида текширилганда, автомобиль салонида бўлган "Kent" номли сигарета қутиси ичида, қоғозга ўралган, яшил рангли, ўткир ҳидли, қуритилган ўсимлик моддаси топилган.

Мазкур ҳолат юзасидан тегишли ҳужжатлар расмийлаштирилиб, 2000 йилда туғилган ҳайдовчи Б.К. ва аниқланган модда Бектемир тумани ИИО ФМБга топширилган.