Тошкент шаҳрида ўтказилган рейдлар давомида:

- 2021 йил 17 сентябрь куни соат 12:30 ларда, Мирзо Улуғбек тумани, Дўрмон йўли кўчасида хизмат олиб бораётган ЙПХ ходимлари Б.Камилов ва Ж.Раҳматовлар томонидан “Captiva” русумли автомобиль тўхтатилиб, ҳайдовчи, 1988 йилда туғилган З.И.нинг маълумотлари планшет мосламаси орқали махсус дастур ёрдамида текширилганда, фуқаро З.И. Ўзбекистон Республикаси Жиноят Кодексининг 168-моддаси 2-қисми билан айбланиб, Бухоро вилояти ИИБ томонидан 2021 йил 14 сентябрь кунидан қидирувда эканлиги аниқланган.

Ҳолат бўйича тегишли хужжатлар расмийлаштирилиб, фуқаро З.И. Мирзо Улуғбек тумани ИИО ФМБга топширилган.

 - 2021 йил 17 сентябрь куни соат 22:40 ларда, Миробод тумани, Шаҳрисабз кўчасида ЙПХ ходимлари Ш.Баратов ва И.Исхаковлар томонидан “Nexia” русумли автомобиль тўхтатилиб, ҳайдовчи, 1978 йилда туғилган К.У.нинг маълумотлари планшет мосламаси орқали махсус дастур ёрдамида текширилганда, фуқаро К.У. Ўзбекистон Республикаси Жиноят Кодексининг 168-моддаси 2-қисми билан айбланиб, Яккасарой тумани ИИО ФМБ томонидан 2021 йил 12 август кунидан қидирувда эканлиги аниқланган.

Ҳолат бўйича тегишли хужжатлар расмийлаштирилиб, фуқаро К.У. Яккасарой тумани ИИО ФМБга топширилган.

- 2021 йил 17 сентябрь куни соат 12:05 ларда Бектемир туманида жойлашган “Шарқ” ЙПХ масканида хизмат олиб бораётган ЙПХ ходимлари А.Пулатов ва Ф.Джураевлар томонидан, Тошкент вилояти ҳудудидан Тошкент шаҳри ҳудудига кириб келаётган “Spark” русумли автомобиль тўхтатилиб, ҳайдовчи ва йўловчиларнинг маълумотлари ушбу маскандаги махсус дастур орқали текширилганда, йўловчи, 1983 йилда туғилган Н.У. Ўзбекистон Республикаси Жиноят Кодексининг 168-моддаси 2-қисми билан айбланиб, Сирдарё вилояти ИИБ томонидан 2021 йил 11 июнь кунидан қидирувда эканлиги аниқланган.

Ҳолат бўйича тегишли хужжатлар расмийлаштирилиб, фуқаро Н.У. Бектемир тумани ИИО ФМБга топширилган.

Рейд тадбирлари давом этмоқда!