Текширувлар давомида:

- 2022 йил 31 октябрь куни соат 22:00 ларда Тошкент шаҳар, Учтепа туманида хизмат олиб бораётган ЙПХ ходими Б.Жумагулов томонидан, шубҳали кўринган велосипедчи, 1977 йилда туғилган М.М. тўхтатилган. Холис ва гувоҳлар иштирокидаги текширувлар давомида унинг ёнидан целлофанга солинган, яшил рангли, ўткир ҳидли, қуритилган ўсимлик моддаси топилган.

Мазкур ҳолат юзасидан тегишли ҳужжатлар расмийлаштирилиб, фуқаро М.М. ва топилган модда Учтепа тумани ИИО ФМБга топширилган.

- 2022 йил 31 октябрь куни соат 03:30 ларда Тошкент шаҳар, Яшнобод туманида хизмат олиб бораётган ЙПХ ходимлари И.Каюмов ва Б.Агзамовлар томонидан, Махтумқули кўчасида ҳаракатланиб келаётган, ҳайдовчи, 1998 йилда туғилган А.С. бошқарувидаги "Matiz" русумли автомобиль тўхтатилиб, холис ва гувоҳлар иштирокида текширилганда, автомобиль салонидан 5000 сўмлик пул купюрасига ўралган, яшил рангли, ўткир ҳидли, қуритилган ўсимлик моддаси топилган.

Мазкур ҳолат юзасидан тегишли ҳужжатлар расмийлаштирилиб, фуқаро А.С. ва топилган модда Яшнобод тумани ИИО ФМБга топширилган.

Текширувлар давом этмоқда...