Текширувлар давомида:

- 2021 йил 30 ноябрь куни соат 01:30 ларда, Бектемир туманида жойлашган “Шарқ” ЙПХ масканида хизмат олиб бораётган Тошкент шаҳар ИИББ ЙҲХБ ЙПХ ходими М.Шарипов томонидан пойтахтга кириб келаётган "Lacetti" русумли автомобиль тўҳтатилиб, холис ва гувоҳлар иштирокида текширилганда, йўловчи, 1992 йилда туғилган О.У.нинг телефон ғилофидан, зар қоғозга ўралган, жигар рангли, ўткир ҳидли, сақичсимон модда топилган.

Мазкур ҳолат юзасидан тегишли ҳужжатлар расмийлаштирилиб, фуқаро О.У. ва аниқланган модда Бектемир тумани ИИО ФМБга топширилган.

- 2021 йил 30 ноябрь куни соат 01:30 ларда, Учтепа туманида хизмат олиб бораётган ЙПХ ходими И.Абдушарипов томонидан, Фарҳод кўчасидан ҳаракатланиб келаётган, ҳайдовчи, 1991 йилда туғилган М.И. бошқарувидаги "Spark" русумли автомобиль тўҳтатилиб, холис ва гувоҳлар иштирокида текширилганда, автомобиль ўриндиғи тагидан 4 дона “Тропикамид” дориси хамда 21 дона “Регапен” номли психотроп дори таблеткалари топилган.

Мазкур ҳолат юзасидан тегишли ҳужжатлар расмийлаштирилиб, фуқаро М.И. ва аниқланган воситалар Учтепа тумани ИИО ФМБга топширилган.

- 2021 йил 29 ноябрь куни соат 00:10 ларда, Бектемир туманида жойлашган “Бектемир” ЙПХ масканида хизмат олиб бораётган ЙПХ ходими Ш.Холназаров томонидан, Тошкент вилоятидан пойтахтга кириб келаётган "Spark" русумли автомобиль тўҳтатилиб, холис ва гувоҳлар иштирокида текширилганида, йўловчи, 2003 йилда туғилган М.С.нинг ёнидан 1 қути, ичида жами 60 дона “Новый век” номли пиротехника воситалари олиб келинаётганлиги аниқланган.

Мазкур ҳолат юзасидан тегишли ҳужжатлар расмийлаштирилиб, фуқаро М.С. ва аниқланган воситалар Бектемир тумани ИИО ФМБга топширилган.

Йўллардаги текширувлар давом этмоқда...