Текширувлар давомида:

- 2022 йил 24 ноябрь куни соат 02:30 ларда Тошкент шаҳар, Бектемир туманида хизмат олиб бораётган ЙПХ ходими Ф.Джураев томонидан "Malibu" русумли автомобиль тўхтатилиб, холис ва гувоҳлар иштирокида текширилганда, йўловчи, 2000 йилда туғилган Р.А.нинг сумкасидан 47 дона "Тропикамид" ва целлофанган солинган 254 дона "Регапен" номли психотроп дори воситалари топилган.

Мазкур ҳолат юзасидан тегишли ҳужжатлар расмийлаштирилиб, фуқаро Р.А. ва топилган психотроп дори воситалари Бектемир тумани ИИО ФМБга топширилган.

- 2022 йил 25 ноябрь куни соат 03:00 ларда Тошкент шаҳар, Чилонзор туманида хизмат олиб бораётган ЙПХ ходимлари Р.Ғофуров ва Ш.Хикматовлар томонидан ҳайдовчи, 2004 йилда туғилган С.Р. бошқарувидаги "Lacetti" русумли автомобиль тўхтатилиб, холис ва гувоҳлар иштирокида текширилганда, автомобиль салонидан қоғозга ўралган, яшил рангли, ўткир ҳидли, кукунсимон модда топилган.

Мазкур ҳолат юзасидан тегишли ҳужжатлар расмийлаштирилиб, фуқаро С.Р. ва топилган модда Чилонзор тумани ИИО ФМБга топширилган.

- 2022 йил 24 ноябрь куни соат 07:45 ларда Тошкент шаҳар, Янгиҳаёт туманида хизмат олиб бораётган ЙПХ ходими Ф.Амиров томонидан ҳайдовчи, 1987 йилда туғилган И.Б. бошқарувидаги "Isuzu" русумли юк автомобиль тўхтатилиб, холис ва гувоҳлар иштирокида текширилганда, юкхонасида 300 дона “1-Shots” ва 40 дона “Волк” номли пиротехника воситалари ҳамда тегишли ҳужжатлари бўлмаган 20 дона телевизор олиб кетилаётганлиги аниқланган.

Мазкур ҳолат юзасидан тегишли ҳужжатлар расмийлаштирилиб, фуқаро И.Б. ва аниқланган пиротехника воситалари ҳамда телевизорлар Янгиҳаёт тумани ИИО ФМБга топширилган.

- 2022 йил 24 ноябрь куни соат 23:30 ларда Тошкент шаҳар, Янгиҳаёт туманида хизмат олиб бораётган ЙПХ ходими Ф.Амиров томонидан "Matiz" русумли автомобиль тўхтатилиб, холис ва гувоҳлар иштирокида текширилганда, йўловчи, 1986 йилда туғилган Д.С.нинг ёнидан целлофанга ўралган, жигар рангли, ўткир ҳидли, сақичсимон модда топилган.

Мазкур ҳолат юзасидан тегишли ҳужжатлар расмийлаштирилиб, фуқаро Д.С. ва топилган модда Янгиҳаёт тумани ИИО ФМБга топширилган.

- 2022 йил 24 ноябрь куни соат 00:30 ларда Тошкент шаҳар, Шайхонтоҳур туманида хизмат олиб бораётган ЙПХ ходимлари Р.Толибов ва Б.Дадабоевлар томонидан, Лабзак кўчаси бўйлаб ҳаракатланиб келаётган "Lacetti" русумли автомобиль тўхтатилиб, холис ва гувоҳлар иштирокида текширилганда, йўловчи, 1992 йилда туғилган М.Х.нинг ёнидан қоғозга ўралган, яшил рангли, ўткир ҳидли, қуритилган ўсимлик моддаси топилган.

Мазкур ҳолат юзасидан тегишли ҳужжатлар расмийлаштирилиб, фуқаро М.Х. ва топилган модда Шайхонтоҳур тумани ИИО ФМБга топширилган.

Йўлларда текширувлар давом этмоқда...