Текширувлар давомида:

- 2022 йил 18 август куни соат 06:25 ларда Тошкент шаҳар, Бектемир туманида жойлашган “Шарқ” ЙПХ масканида хизмат олиб бораётган ЙПХ ходимлари Д.Пайзиев ва Н.Досимовлар томонидан, Тошкент вилоятидан пойтахтга кириб келаётган, ҳайдовчи, 1994 йилда туғилган С.И. бошқарувидаги "Lacetti" русумли автомобиль тўхтатилиб, холис ва гувоҳлар иштирокида текширилганда, автомобиль салонидан қоғозга ўралган, яшил рангли, ўткир ҳидли, қуритилган ўсимлик моддаси ҳамда 33 дона целлофанларга ўралган, оқ рангли, ўткир ҳидли, кукунсимон моддалар топилган.

Мазкур ҳолат юзасидан тегишли ҳужжатлар расмийлаштирилиб, фуқаро С.И. ва топилган моддалар Бектемир тумани ИИО ФМБга топширилган.

- 2022 йил 18 август куни соат 20:40 ларда Тошкент шаҳар, Чилонзор туманида жойлашган “Эркин” ЙПХ масканида хизмат олиб бораётган ЙПХ ходимлари Н.Джуманазаров ва Ш.Хикматовлар томонидан, Тошкент вилоятидан пойтахтга кириб келаётган "Nexia-3" русумли автомобиль тўхтатилиб, холис ва гувоҳлар иштирокида текширилганда, ҳайдовчи, 1994 йилда туғилган А.В.нинг ёнидаги сигарета қутиси ичидан, целлофанга ўралган, жигар рангли, ўткир ҳидли, сақичсимон модда топилган.

Мазкур ҳолат юзасидан тегишли ҳужжатлар расмийлаштирилиб, фуқаро А.В. ва топилган модда Чилонзор тумани ИИО ФМБга топширилган.

- 2022 йил 18 август куни соат 19:20 ларда Тошкент шаҳар, Янгиҳаёт туманида жойлашган “Янгиҳаёт” блок-постида хизмат олиб бораётган ЙПХ ходими М.Тожибоев томонидан, Тошкент вилоятидан пойтахтга кириб келаётган, ҳайдовчи, 1977 йилда туғилган Р.М. бошқарувидаги "Lacetti" русумли автомобиль тўхтатилиб, холис ва гувоҳлар иштирокида текширилганда, автомобиль салонидан қоғозга ўралган, жигар рангли, ўткир ҳидли, қуритилган ўсимлик моддаси топилган.

Мазкур ҳолат юзасидан тегишли ҳужжатлар расмийлаштирилиб, фуқаро Р.М. ва топилган модда Янгиҳаёт тумани ИИО ФМБга топширилган.

Йўлларда текширувлар давом этмоқда...