Хоразм вилоятида Ўзбекистон Республикаси ИИВ ЖХД Йўл ҳаракати хавфсизлиги хизмати бошлиғи полковник Шерзод Ибрагимовнинг сайёр қабули ташкил этилди.

Қабул давомида фуқароларнинг йўл ҳаракати хавфсизлигини таъминлаш, йўл инфратузилмасидаги камчиликларни бартараф этиш, маҳаллалардаги таълим муассасалари ёнида пиёдаларнинг хавфсиз ҳаракати учун шароит яратиш сингари масалалар юзасидан мурожаатлари ўрганилди.

Қўшимча ўрганишлар талаб этмайдиган мурожаатлар шу жойнинг ўзида ижобий ҳал этилган бўлса, қолган мурожаатларни тегишлича тартибда, белгиланган муддатда кўриб чиқиш ҳамда ҳал этиш бўйича масъулларга кўрсатмалар берилди ва барча мурожаатлар шахсан ЙҲХХ раҳбарининг назоратига олинди.