2022-yil 11-oktabr kuni soat 06:20 larda, A-373 “Toshkent-Oʻsh” avtomobil yoʻlining 224-kilometrida haydovchi Belorussiya Respublikasi fukorosi S.S. “Volvo” rusumli yuk avtomobilini boshqarib ketayotgan vaqtda uxlab qolishi natijasida, qarama-qarshi yoʻnalishga oʻtib, oʻz yoʻnalishida kelayotgan haydovchi B.A. boshqaruvidagi “Isuzu” rusumli yuk avtomobili hamda haydovchi U.O. boshqaruvidagi “VIDIBUS SAZ NP37” rusumli yuk avtomobili bilan toʻqnashib yoʻl-transport hodisasi sodir etgan.

YTH natijasida “VIDIBUS SAZ NP37” rusumli yuk avtomobilda qisqa tutashuv kelib chiqishi sababli yongʻin sodir boʻlgan. Yongʻin oʻt oʻchiruvchilar tomonidan bartaraf etilgan.
Yuk avtomobillarining hajm va vazn parametrlari meʼyorida boʻlgan.

Hodisa natijasida “Volvo” rusumli avtomashina haydovchisi S.S., “Isuzu” rusumli avtomashina haydovchisi B.A. va “VIDIBUS SAZ NP37” rusumli avtomashinasi haydovchisi U.O.lar turli darajadagi tan jarohatlari olib shifoxonaga yotqizilgan.

Mazkur holat yuzasidan tuman IIB TB tomonidan surishtiruv harakatlari olib borilmoqda.

Barcha haydovchilardan transport vositasini oʻta xushyor holda boshqarishlarini soʻraymiz.