Andijon viloyati hududidan oʻtuvchi xalqaro ahamiyatga molik A373 “M39 avtoyoʻli-Guliston-Boʻka-Angren-Qoʻqon va Andijon orqali-Oʻsh” avtomobil yoʻlining 388-389 kilometrlari oraligʻida qayta taʼmirlash ishlari olib borilayotganligi sababli joriy yilning 18-noyabr kunidan buyon yoʻlning bir tomonida 1100 metr masofada taʼmirlash ishlari “Rezina Optima Standart” MCHJ tomonidan Oʻzbekiston Respublikasining 2007-yil 2-oktabrdagi “Avtomobil yoʻllari toʻgʻrisidagi” OʻRQ-117-son Qonuni hamda Vazirlar Mahkamasining 2011-yil 26-dekabr kunidagi 342-sonli qarorining 1-ilovasi 13,14,15,16,18-bandlariga zid ravishda Davlat yoʻl harakati xavfsizligi xizmati organlari bilan kelishilmasdan olib borilayotganligi sababli transport vositalarining harakati qarama qarshi tomonidan tashkil etilgan.

Yuqoridagi qaror talablari “Rezina Optima Standart” MCHJ tomonidan bajarilmaganligi sababli 2022-yil 26-noyabr kuni soat 08:40 larda Andijon viloyati hududidan oʻtgan A 373 avtomobil yoʻlining 388-389 kilometrlari oraligʻida yoʻl transport hodisasini sodir etgan haydovchi, 1993-yilda tugʻilgan J.A. “Isuzu” rusumli avtobusda bir tomonlama tashkil etilgan yoʻlda harakatlanayotib, quyuq tuman tushganligi va koʻrinish masofasi cheklanganligi uchun 1985-yilda tugʻilgan haydovchi A.A. boshqaruvidagi “Howo” rusumli yuk avtomobili bilan toʻqnashgan.

Hodisa natijasida 3 nafar avtobus yoʻlovchilari vafot etgan, jami 31 nafar fuqarolar jumladan yuk avtomobili haydovchisi ham turli darajadagi tan jarohatlari bilan shifoxonaga yotqizilgan.

Mazkur YTH yuzasidan Andijon viloyati IIB huzuridagi TB tomonidan jinoyat Kodeksining 266-moddasi 3-qismi “a” bandi bilan jinoyat ishi qoʻzgʻatilib tergov harakatlari olib borilmoqda.

Barcha haydovchilardan belgilangan qoidalarga amal qilishlarini soʻraymiz.