FVV xabariga ko‘ra, bugun, 29-sentabr kuni soat 08:05 larda Qashqadaryo viloyati, Gʻuzor tumani, Mustaqilik ko‘chasida harakatlanib ketayotgan “Lasetti” rusumli avtomobilning gaz balonida yorilishi yuzaga kelgan.

Hodisa oqibatida haydovchi yengil tan jarohati olgan va shifoxonaga yuborilgan. Avtomobilda yo‘lovchilar bo‘lmagan.

Hozirda hodisa sodir bo‘lish sabablari o‘rganilmoqda.

Voqea joyiga FVB, IIB, SSB, Prokuratura va boshqa tegishli idoralarning kuch-vositalari jalb qilinib, vaziyat oqibatlarini bartaraf etish ishlari bajarilmoqda.

Barcha haydovchilardan o‘z boshqaruvidagi transport vositasi va unga o‘rnatilgan jihozlarning texnik sozligiga e’tiborli bo‘lishlarini so‘raymiz.