Bugun, 2022-yil 20-yanvar kuni soat 20:45 larda, Navoiy viloyati, Navoiy shahri, I.Karimov koʻchasida haydovchi, 1993-yilda tugʻilgan F.M. “Spark” rusumli avtomobilda harakatlanayotib, oʻzi bilan bir yoʻnalishda, oldinda boʻlgan haydovchi, 1991-yilda tugʻilgan K.I. boshqaruvidagi “Cobalt” rusumli avtomobilning orqa tomoniga toʻqnashgan va zarb oqibatida “Spark” avtomobilining dvigatel qismida yongʻin yuzaga kelgan.

YTH va yongʻin natijasida tan jarohati olgan fuqarolar yoʻq. Yongʻin bartaraf etilgan.

Mazkur holat yuzasidan Navoiy shahar IIB YHXB xodimlari tomonidan surishtiruv olib borilmoqda.

Barcha haydovchilardan qoidalarga rioya qilishlarini, oraliq masofani saqlab harakatlanishlarini soʻraymiz.