FVV xabariga koʻra, bugun, 2022-yil 18-oktabr kuni erta tong soat 06:55 larda Fargʻona viloyati FVBga Furqat MFY, Bahor koʻchasi Fargʻona xalqa yoʻlida harakatlanib ketayotgan “HOWO” rusumli yuk avtomobili haydovchisi boshqaruvni yoʻqotishi natijasida shu koʻchada joylashgan aholi yashash uylaridan biriga borib urilganligi haqida xabar kelib tushgan.

Voqea joyiga qisqa vaqt ichida FVB qutqaruv guruhi yetib borib, haydovchini yuk avtomobilidan chiqarib olishda amaliy hamda zaruriy birinchi yordam koʻrsatgan.

Sodir boʻlgan YTH oqibatida uyga zarar yetgan.

YTH yuzasidan surishtiruv harakatlari olib borilmoqda. Barcha haydovchilardan yoʻllarda ehtiyotkor boʻlishlarini soʻraymiz.