FVV xabariga koʻra, 2023-yil 13-fevral kuni soat 08:05 da Fargʻona viloyati Favqulodda vaziyatlar boshqarmasining 1050 qisqa raqamiga “Nexia” rusumli avtomobil haydovchisi ehtiyotsizligi oqibatida boshqaruvni yoʻqotib, Oltiariq tumani “Poloson” MFY hududidan oqib oʻtuvchi “Baziquvur” kanaliga tushib ketganligi toʻgʻrisida xabar kelib tushgan.

Xabarga koʻra, Fargʻona viloyati FVB Maxsus vazifalarni bajaruvchi mintaqaviy qutqaruv otryadi qutqaruvchilari voqea joyiga yetib borib, maxsus texnika va asbob-anjomlar yordamida avtomobil suvdan chiqarib olingan.

Hodisa oqibatida tan jarohati olgan va halok boʻlganlar yoʻq.

Haydovchilardan yoʻllarda ehtiyotkor boʻlishlarini soʻraymiz.