Dastlabki maʼlumotlarga koʻra, 2022-yil 14-aprel kuni soat 07:40 larda, Samarqand viloyati, Jomboy tumani hududidan oʻtgan M-39 avtomobil yoʻlining 1070-kilometrida 1991-yilda tugʻilgan haydovchi S.N. tartibga solinmagan piyodalar oʻtish joyidan oʻtayotgan piyodaga yoʻl berib toʻxtagan vaqtda, bir yoʻnalishda ortidan harakatlanib kelgan haydovchi, 2002-yilda tugʻilgan R.Yu. oʻz boshqaruvidagi yuk avtomobilini toʻxtatishga ulgurmasdan “Matiz” avtomobilining orqa tomoniga toʻqnashib boshqaruvni yoʻqotgan va yuk avtomobili agʻdarilgan. “Matiz” avtomobili oʻng tomon pastlikka tushib ketgan.

YTH natijasida tan jarohati olgan fuqarolar yoʻq.

Ushbu YTH yuzasidan Jomboy tumani IIB YHXB xodimlari tomonidan surishtiruv olib borilmoqda.

Barcha haydovchilardan yoʻllarda oraliq masofani saqlab, tezlikni meʼyordan oshirmasdan harakatlanishlarini soʻraymiz.