Bugun, 2022-yil 12-may kuni soat 14:30 larda Xorazm viloyati, Urganch shahri, Al-Xorazmiy-Sheroziy-Gʻ.Gʻulom koʻchalari kesishgan chorrahada, haydovchi, 1949-yilda tugʻilgan A.A. boshqaruvidagi “Lada-2194” rusumli hamda haydovchi, 1986-yilda tugʻilgan A.M. boshqaruvida boʻlgan “Isuzu” rusumli avtobus ishtirokida toʻqnashuv sodir boʻlgan.

Natijada, avtobus yoʻlovchilari, 1961-yilda tugʻilgan M.M. hamda 2000-yilda tugʻilgan M.Oʻ.lar tan jarohati bilan voqea joyida vafot etgan. Shuningdek, “Lada-2194” rusumli avtomobil haydovchisi olgan tan jarohati bilan shifoxonaga yotqizilgan.

Mazkur YTH yuzasidan Urganch shahar IIO FMB huzuridagi TB tomonidan tergovga qadar surishtiruv ishlari olib borilmoqda.

Barcha haydovchilardan belgilangan qoidalarga rioya qilishlarini soʻraymiz.