Bugun, 2022-yil 12-dekabr kuni soat 12:00 larda Toshkent shahar, Olmazor tumani, Farobiy koʻchasida haydovchi, 1972-yilda tugʻilgan T.K. “Captiva” rusumli avtomobilda harakatlanayotib, oraliq masofani saqlamaganligi oqibatida haydovchi, 1977-yilda tugʻilgan Sh.K. boshqaruvidagi “Cobalt” hamda haydovchi, 1974-yilda tugʻilgan M.A. boshqaruvidagi “Spark” rusumli avtomobillarga toʻqnashgan.

Hodisa natijasida “Spark” avtomobili yoʻlovchisi M.R. tan jarohati bilan shifoxonaga olib ketilgan.

Mazkur YTH yuzasidan Toshkent shahar IIBB JXX YHXB xodimlari tomonidan surishtiruv harakatlari olib borilmoqda.

Barcha haydovchilardan belgilangan qoidalarga rioya qilishlarini soʻraymiz.