2022-yil 19-dekabr kuni soat 20:00 larda Andijon shahridagi “Obod mahalla” MFY hududiga kirish yoʻlida tumanli ob-havo sabab “Cobalt” avtomobili haydovchisi boshqaruvni yoʻqotib pastlikka tushib ketgan. Transport vositasida haydovchining oʻzi boʻlgan, yoʻlovchilar boʻlmagan.

Hodisa natijasida hech kim tan jarohati olmagan. Haydovchiga amaliy yordam koʻrsatilib, avtomobil pastlikdan chiqarilgan.

Haydovchilardan yoʻllarda ehtiyotkor boʻlib, tumanli ob-havo sharoitida oraliq masofani saqlab, tezlikni meʼyoridan oshirmasdan harakatlanishlarini soʻraymiz.