Bugun, 2022-yil 28-aprel kuni soat 06:00 larda Sirdaryo viloyati, Guliston shahri, Oʻzbekiston shox koʻchasida haydovchi, 1993-yilda tugʻilgan X.T. “Damas” rusumli avtomobilni boshqarayotib, uxlab qolishi natijasida rul boshqaruvini yoʻqotgan va piyodalar oʻtish koʻprigi ustuniga urilgan.

Natijada, haydovchi X.T. tan jarohati bilan shifoxonaga yotqizilgan.

Mazkur YTH yuzasidan Guliston shahar IIB JXX YHXB xodimlari tomonidan surishtiruv harakatlari olib borilmoqda.

Barcha haydovchilardan charchoq holatida transport vositasini boshqarmasliklarini, qoidalarga rioya qilishlarini soʻraymiz.