Joriy yilning 28-aprel kuni soat 17:00 larda, Andijon viloyati, Andijon tumani hududidan oʻtuvchi A-373 avtomobil yoʻlining 339-kilometrida haydovchi, 2002-yilda tugʻilgan M.X. “Nexia” rusumli avtomobilda harakatlanayotib, boshqaruvni yoʻqotishi oqibatida transport vositasi agʻdarilib, YTH sodir boʻlgan.

YTH natijasida tan jarohati olgan fuqarolar yoʻq.

Ushbu YTH yuzasidan Andijon tumani IIB YHXB xodimlari tomonidan surishtiruv harakatlari olib borilmoqda.

Barcha haydovchilardan qoidalarga rioya qilgan holda, avtomobil tezligini meʼyordan oshirmasdan harakatlanishlarini soʻraymiz.