Dastlabki maʼlumotlarga koʻra, bugun, 2022-yil 1-aprel kuni soat 15:00 larda, Toshkent viloyati, Chinoz tumani hududidan oʻtgan M-39 avtomobil yoʻlida haydovchi, 1975-yilda tugʻilgan S.K. tirkama ulangan (tirkama ustiga “konteyner” ortilgan) “Kamaz” rusumli yuk transport vositasida harakatlanayotib yoʻlning 846-kilometriga yetgan vaqtda boshqaruvni yoʻqotishi oqibatida yuk avtomobili va tirkama agʻdarilgan.

Mazkur YTH natijasida haydovchi S.K. ga birinchi tez tibbiy yordam koʻrsatilgan.

Ushbu YTH yuzasidan Chinoz tumani IIB YHXB xodimlari tomonidan surishtiruv olib borilib, ayni jarayonlarda YTH sabab yuzaga kelgan tirbandlik bartaraf etilmoqda.

Barcha haydovchilardan yoʻllarda ehtiyotkor boʻlib, qoidalarga rioya qilishlarini soʻraymiz.