2022-yil 12-fevral kuni soat 23:00 larda, Toshkent viloyati, Chirchiq shahar, A.Navoiy va Furqat koʻchalari kesishgan chorrahada haydovchi, 2001-yilda tugʻilgan J.Gʻ. boshqaruvidagi “Lacetti” rusumli hamda haydovchi, 1977-yilda tugʻilgan D.N. boshqaruvidagi “Epica” rusumli avtomobillar ishtirokida toʻqnashuv sodir boʻlgan. Toʻqnashuv natijasida “Lacetti” avtomobili haydovchisi rul boshqaruvini yoʻqotgan va yoʻl chetidagi beton toʻsiqqa urilgan. Shundan soʻng avtomobilda yongʻin yuzaga kelgan. Yongʻin oʻt oʻchiruvchilar tomonidan bartaraf etilgan.

Hodisa natijasida, ikkala haydovchi va “Lacetti” avtomobilida boʻlgan yoʻlovchi tan jarohati bilan shifoxonaga olib ketilgan.

Mazkur YTH yuzasidan Chirchiq shahar IIB huzuridagi TB tomonidan tergovoldi surishtiruv harakatlari olib borilmoqda.

Barcha haydovchilardan belgilangan qoidalarga amal qilishlarini soʻraymiz.