Bugun, 2022-yil 11-yanvar kuni soat 14:55 larda, Qashqadaryo viloyati, Chiroqchi tumani hududidan oʻtgan “Yettitom-Gʻuzor” avtomobil yoʻlining 10-kilometrida, haydovchi, 1985-yilda tugʻilgan A.X. “Nexia” rusumli avtomobilda harakatlanib ketayotgan vaqtda transport vositasining dvigatel qismida qisqa tutashuv va uning ortidan yongʻin yuzaga kelgan. Haydovchi avtomobilni zudlik bilan toʻxtatgan.

Yongʻin oʻt oʻchiruvchilar tomonidan bartaraf etilgan.

Hodisa natijasida tan jarohati olgan fuqarolar yoʻq.

Mazkur hodisa yuzasidan Chiroqchi tumani FVB va YHXB xodimlari tomonidan surishtiruv olib borilmoqda.

Barcha haydovchilardan boshqaruvidagi transport vositasining texnik sozligiga eʼtiborli boʻlishlarini soʻraymiz.