Bugun, 2022-yil 19-yanvar kuni soat 11:00 larda, Fargʻona shahar hududidan oʻtuvchi 4R-140A avtomobil yoʻlining 8-kilometrida haydovchi, 1987-yilda tugʻilgan Y.A. “Lacetti” rusumli avtomobilni boshqarayotib, piyodalar oʻtish joyidan yoʻlni kesib oʻtayotgan fuqaro, 2001-yilda tugʻilgan M.M. va uning qoʻlidagi farzandi F.M.ni urib yuborgan.

Hodisa natijasida, piyoda M.M.ga birinchi tez tibbiy yordam koʻrsatilgan va qoʻlidagi farzandi, 2021-yilda tugʻilgan F.M. tan jarohati bilan shifoxonaga yotqizilgan.

Mazkur YTH yuzasidan Fargʻona viloyati IIB huzuridagi TB tomonidan dastlabki tergov harakatlari olib borilmoqda.

Barcha haydovchilardan qoidalarga amal qilib, piyodalarga eʼtiborli boʻlishlarini soʻraymiz.