Joriy yilning 17-sentabr kuni soat 02:10 larda Jizzax viloyati, Forish tumani hududidan o‘tgan 4Р-36 "Jizzax-Qizilcha" avtomobil yo‘lining 68-kilometrida haydovchi R.X. "Cobalt" rusumli avtomobilda harakatlanayotib kutilmaganda yo‘liga chiqqan piyodani urib yubormaslik maqsadida rulni keskin burgan va boshqaruvni yo‘qotib, o‘ng tomonda to‘xtab turgan "Nexia" va "Cobalt" rusumli avtomobillarga to‘qnashgan.

YTH natijasida tan jarohati olganlar yo‘q. Transport vositalariga texnik shikast yetgan.

Mazkur YTH yuzasidan Forish tumani IIB YHXB tomonidan surishtiruv ishlari olib borilmoqda.

Barcha yo‘l harakati qatnashchilaridan yo‘llarda qoidalarga rioya qilishlarini so‘raymiz.