Bugun, 2022-yil 6-fevral kuni soat 10:10 larda, Samarqand viloyati, Kattaqoʻrgʻon tumani hududidan oʻtuvchi M-37 avtomobil yoʻlining 84-kilometrida, “Toshkent-Samarqand” yoʻnalishida haydovchi, 1987-yilda tugʻilgan M.Y. “Volvo” rusumli yuk transport vositasida harakatlanayotib boshqaruvni yoʻqotgan va avtomobil yoʻlning oʻng tomoniga agʻdarilgan.

Natijada, haydovchi M.Y. ga birinchi tez tibbiy yordam koʻrsatilgan.

Mazkur YTH yuzasidan tuman YHXB xodimlari tomonidan surishtiruv harakatlari olib borilmoqda.

Barcha haydovchilardan noqulay ob-havo sharoitida yoʻllarda ehtiyotkorlik bilan harakatlanishlarini, uzoq masofaga yurishda esa oʻz vaqtida dam olishlarini soʻraymiz.