2022-yil 3-avgust kuni soat 19:00 larda Qashqadaryo viloyati, Kitob tumani hududidan oʻtuvchi 4K-23 “Kitob-Shahrisabz” avtomobil yoʻlining 5-kilometrida haydovchi M.Q. “Damas” rusumli avtomobilda qoidani buzgan holda ortga qayrilib olayotgan vaqtda, bir yoʻnalishda harakatlanib kelgan haydovchi A.D. boshqaruvidagi yana bir “Damas” rusumli avtomobil bilan toʻqnashuv sodir boʻlib, yaqin atrofda harakatlanib oʻtayotgan haydovchi J.M. boshqaruvidagi “Nexia” avtomobili ham ushbu transport vositalariga toʻqnashib, YTH ishtirokchisiga aylangan.

YTH natijasida “Nexia” avtomobili haydovchisi tan jarohati olib shifoxonaga yotqizilgan.

Mazkur YTH yuzasidan Kitob tumani IIB huzuridagi TB xodimlari tomonidan tergovga qadar tekshiruv harakatlari olib borilmoqda.

Barcha haydovchilardan yoʻllarda qoidalarga rioya qilgan holda harakatlanishlarini soʻraymiz.