Dastlabki maʼlumotlarga koʻra, bugun, 2022-yil 16-mart kuni soat 14:00 larda, Toshkent shahar, Mirobod tumani, Amir Temur koʻchasida haydovchi, 2001-yilda tugʻilgan A.A. “Cobalt” rusumli avtomobilda harakatlanib kelib, ushbu koʻchada joylashgan “Universal bank” yaqinidagi avtoturargohga toʻxtagan va oʻzi bank ichiga kirgan. Mazkur jarayonda “Cobalt” avtomobili pastlikka harakatlanib, atrofdan oqib oʻtgan “Salar” kanaliga tushib ketgan.

Hodisa natijasida tan jarohati olgan fuqarolar yoʻq.

Ayni vaqtlarda avtomobil suvdan olib chiqilgan. YPX xodimlari tomonidan surishtiruv ishlari olib borilmoqda.

Barcha haydovchilardan ehtiyotkor boʻlishlarini soʻrab, toʻxtash va toʻxtab turish joylarida qoʻl tormozidan foydalanishlarini tavsiya qilamiz.