Ijtimoiy tarmoqda tarqalgan, Mirzo Ulug‘bek tumanida oldinma-ketin to‘qnashgan 5 ta avtomobil yuzasidan ma’lumot
Dastlabki ma’lumotlarga ko‘ra, joriy yilning 11-oktabr kuni soat 07:45 larda, Toshkent shahar, Mirzo Ulug‘bek tumani, Mustaqillik shoh ko‘chasida, "Pushkin" metro bekati yaqinida oraliq masofani saqlamaslik oqibatida:
1) "Captiva";
2) "Vaz-2106";
3) "Lacetti";
4) "Cobalt";
5) "Spark" rusumli avtomobillar oldinma-ketin to‘qnashgan.
To‘qnashuv natijasida tan jarohati olganlar yo‘q.
Mazkur YTH yuzasidan Toshkent shahar IIBB YHXB xodimlari tomonidan surishtiruv olib borilmoqda.
Barcha haydovchilardan yo‘llarda oraliq masofani saqlab, tezlik me’yoriga, qoidalarga rioya qilgan holda harakatlanishlarini so‘raymiz.