Dastlabki ma’lumotlarga ko‘ra, 2021-yil 7-dekabr kuni soat 19:40 larda, Toshkent shahar, Mirzo Ulug‘bek tumani, KXAY ko‘chasida haydovchi, 1990-yilda tug‘ilgan J. M. "Spark" rusumli avtomobilda harakatlanayotib boshqaruvni yo‘qotgan va yo‘l chetidagi ustunga urilgan. Zarb oqibatida avtomobilda yong‘in yuzaga kelgan.

Yong‘in o‘t o‘chiruvchilar tomonidan bartaraf etilgan. Hodisa natijasida tan jarohati olgan fuqarolar yo‘q.

Mazkur holat yuzasidan Toshkent shahar IIBB YHXB xodimlari tomonidan surishtiruv olib borilmoqda.

Barcha haydovchilardan yo‘llarda ehtiyotkor bo‘lishlarini va qoidalarga rioya qilishlarini so‘raymiz.