Dastlabki ma’lumotlarga ko‘ra, 2022-yil 15-fevral kuni soat 13:50 larda, Namangan viloyati, Namangan shahar, Gʻuncha MFY hududida "Nexia-2" rusumli transport vositasida harakatlanayotgan haydovchi boshqaruvni yo‘qotishi oqibatida avtomobil ushbu mahalla hududidan oqib o‘tuvchi "Shimoliy Farg‘ona kanali"ga tushib ketgan.

Hodisa joyiga zudlik bilan hududiy FVB xodimlari yetib kelib, transport vositasi maxsus texnika yordamida kanaldan olib chiqilgan.

Hodisa natijasida tan jarohati olgan fuqarolar yo‘q.

Ushbu holat yuzasidan hududiy FVB va YHXB xodimlari tomonidan surishtiruv olib borilmoqda.

Barcha haydovchilardan yo‘llarda ehtiyotkor bo‘lishlarini so‘raymiz.