Namangan viloyati FVB Axborot xizmatining xabariga ko‘ra, joriy yilning 30-oktabr kuni soat 16:15 larda Davlatobod tuman hududidan o‘tuvchi 4R-112 avtomobil yo‘lining 8-kilometrida “Nexia 2” rusumli avtomobilda yong‘in yuzaga kelgan.

Yong‘in o‘t o‘chiruvchilar tomonidan bartaraf etilgan. Hodisa natijasida tan jarohati olganlar yo‘q.

Mazkur hodisa yuzasidan Namangan viloyati FVB hamda YHXB xodimlari tomonidan surishtiruv ishlari olib borilmoqda.

Barcha haydovchilardan boshqaruvidagi transport vositasining texnik sozligiga e’tiborli bo‘lishlarini so‘raymiz.