2022-yil 17-fevral kuni soat 02:00 larda, Namangan shahri, A.Navoiy koʻchasida haydovchi, 1998-yilda tugʻilgan D.M. boshqaruvidagi “Vaz-2107” rusumli hamda haydovchi, 1983-yilda tugʻilgan R.M. boshqaruvida boʻlgan “Nexia” rusumli avtomobillar ishtirokida toʻqnashuv sodir boʻlgan.

Hodisa natijasida tan jarohati olgan fuqarolar yoʻq. Transport vositalariga texnik shikast yetgan.

Mazkur YTH yuzasidan Namangan shahar IIB huzuridagi TB tomonidan surishtiruv harakatlari olib borilmoqda.

Barcha haydovchilardan belgilangan qoidalarga amal qilishlarini soʻraymiz.