Dastlabki ma’lumotlarga ko‘ra, 2022-yil 11-fevral kuni soat 09:40 larda, Namangan viloyati, Chust tumani hududidan o‘tgan 4R-112 "Farg‘ona xalqa yo‘li" avtomobil yo‘lining 44-kilometrida YHXB xodimi A.Parpiyev boshqaruvidagi "Nexia-1" rusumli maxsus xizmat avtomobilining dvigatel qismida qisqa tutashuv va uning ortidan yong‘in sodir bo‘lgan. Haydovchi avtomobilni zudlik bilan to‘xtatgan. Yong‘in o‘t o‘chiruvchilar tomonidan bartaraf etilgan.

Hodisa natijasida tan jarohati olgan fuqarolar yo‘q.

Barcha haydovchilardan boshqaruvidagi transport vositasining texnik sozligiga e’tiborli bo‘lishlarini so‘raymiz.