Test rejimida

Hodisalar

Ijtimoiy tarmoqda tarqalgan, Nishon tumanida toʻqnashuv sabab avtomobillardan biri yonib ketganligi boʻyicha maʼlumot

2022-yil 17-mart kuni soat 20:30 larda, Qashqadaryo viloyati, Nishon tumani, Nuriston MFY hududidan oʻtgan avtomobil yoʻlida haydovchi, 1990-yilda tugʻilgan B.Yu. boshqaruvidagi hamda haydovchi, 1992-yilda tugʻilgan B.Sh. boshqaruvidagi “Lacetti” rusumli avtomobillar ishtirokida toʻqnashuv sodir boʻlgan. Toʻqnashuv oqibatida haydovchi B.Yu. boshqaruvidagi avtomobilda yongʻin yuzaga kelib, oʻt oʻchiruvchilar tomonidan bartaraf etilgan.

Ushbu YTH va yongʻin natijasida tan jarohati olgan fuqarolar yoʻq. Transport vositalariga zarar yetgan.

Holat yuzasidan Nishon tumani IIB YHXB xodimlari tomonidan surishtiruv olib borilmoqda.

Barcha haydovchilardan qoidalarga rioya qilgan holda harakatlanishlarini soʻraymiz.