Ijtimoiy tarmoqda tarqalgan, Norin tumanida "Spark" avtomobili zovurga tushib ketganligi bo‘yicha ma’lumot
Joriy yilning 13-dekabr kuni soat 16:20 larda, Namangan viloyati, Norin tumani hududidan o‘tuvchi "Cho‘ja-Xaqulobod" avtomobil yo‘lining 23-kilometrida haydovchi, 1978-yilda tug‘ilgan D. R. "Spark" rusumli avtomobilda harakatlanayotib, rul boshqaruvini yo‘qotishi oqibatida zovurga tushib ketgan.
Hodisa natijasida haydovchi D. R. tan jarohati bilan shifoxonaga yotqizilgan.
Mazkur YTH yuzasidan Norin tumani IIB YHXB xodimlari tomonidan surishtiruv harakatlari olib borilmoqda.
Barcha haydovchilarda belgilangan qoidalarga amal qilgan holda, yo‘llarda ehtiyotkorlik bilan harakatlanishlarini so‘raymiz.