Ijtimoiy tarmoqda tarqalgan, Olmazor tumanida sodir boʻlgan 4 ta avtomobil ishtirokidagi YTH yuzasidan maʼlumot
Dastlabki maʼlumotlarga koʻra, 2022-yil 6-fevral kuni soat 13:00 larda, Toshkent shahar, Olmazor tumani, Qorasaroy koʻchasida haydovchilar:
1) 1993-yilda tugʻilgan J.O. boshqaruvidagi “Mercedes Benz” rusumli yuk avtomobili;
2) 1966-yilda tugʻilgan R.G. boshqaruvidagi “Lacetti” rusumli;
3) 1989-yilda tugʻilgan A.U. boshqaruvidagi “Cobalt” rusumli;
4) 1998-yilda tugʻilgan A.M. boshqaruvida boʻlgan “Hyundai Sonata” rusumli avtomobillar ishtirokida toʻqnashuv sodir boʻlgan.
Toʻqnashuv natijasida, “Lacetti” rusumli avtomobilda boʻlgan ikki nafar yoʻlovchilarga birinchi tez tibbiy yordam koʻrsatilgan.
Hozirda ushbu YTH yuzasidan YHXB xodimlari tomonidan surishtiruv olib borilmoqda.
Barcha haydovchilardan yoʻllarda ehtiyotkorlik bilan harakatlanishlarini soʻraymiz.