Dastlabki maʼlumotlarga koʻra, bugun, 2022-yil 10-yanvar kuni soat 22:20 larda Toshkent shahar, Olmazor tumani, Chimboy koʻchasida, 222-uy roʻparasida “Matiz” va ikkita “Nexia-3” rusumli transport vositalari ishtirokida toʻqnashuv sodir boʻlgan.

Toʻqnashuv natijasida ikki nafar haydovchi va bir nafar yoʻlovchi tan jarohati bilan shifoxonaga olib ketilgan.

Hozirda voqea joyida Toshkent shahar IIBB YHXB xodimlari tomonidan surishtiruv olib borilmoqda.

Barcha haydovchilardan qoidalarga rioya qilishlarini soʻraymiz.