Joriy yilning 1-dekabr kuni soat 09:00 larda Toshkent shahar, Olmazor tumani, Beruniy ko‘chasida haydovchi, 1957-yilda tug‘ilgan O.Z. "Matiz" rusumli avtomobilda harakatlanayotib, "Registon" to‘yxonasi ro‘parasiga yetgan vaqtda transport vositasining dvigatel qismida yong‘in yuzaga kelgan.

Yong‘in o‘t o‘chiruvchilar tomonidan o‘chirilgan. Hodisa natijasida tan jarohati olganlar yo‘q.

Mazkur holat yuzasidan Olmazor tuman FVB va YHXB xodimlari tomonidan surishtiruv olib borilmoqda.

Barcha haydovchilardan boshqaruvidagi transport vositasining texnik sozligiga e’tiborli bo‘lishlarini so‘raymiz.