Жорий йилнинг 1 декабрь куни соат 09:00 ларда Тошкент шаҳар, Олмазор тумани, Беруний кўчасида ҳайдовчи, 1957 йилда туғилган О.З. "Matiz" русумли автомобилда ҳаракатланаётиб, "Регистон" тўйхонаси рўпарасига етган вақтда транспорт воситасининг двигатель қисмида ёнғин юзага келган.

Ёнғин ўт ўчирувчилар томонидан ўчирилган. Ҳодиса натижасида тан жароҳати олганлар йўқ.

Мазкур ҳолат юзасидан Олмазор туман ФВБ ва ЙҲХБ ходимлари томонидан суриштирув олиб борилмоқда.

Барча ҳайдовчилардан бошқарувидаги транспорт воситасининг техник созлигига эътиборли бўлишларини сўраймиз.