Joriy yilning 28-fevral kuni soat 16:40 larda, Toshkent viloyati, Parkent tumani hududidan oʻtgan 4P-187 avtomobil yoʻlining 13-kilometrida, haydovchi, 1996-yilda tugʻilgan J.S. “Lacetti” rusumli avtomobilda harakatlanayotib, tezlik oqibatida rul boshqaruvini yoʻqotgan va yoʻl chetida ketayotgan piyoda, 2002-yilda tugʻilgan X.A.ni urib yuborib, transport vositasi agʻdarilgan.

Natijada, piyoda X.A. tan jarohatlari bilan tuman shifoxonasiga olib ketilgan. Ushbu YTH yuzasidan Parkent tumani IIB TB tomonidan tergovoldi surishtiruv harakatlari olib borilmoqda.

Barcha haydovchilardan yoʻllarda tezlik meʼyorini oshirmasdan, qoidalarga rioya qilgan holda harakatlanishlarini soʻraymiz.