2022-yil 12-aprel kuni soat 06:35 larda Farg‘ona viloyati, Qo‘qon shahrida 2005-yilda tug‘ilgan (voyaga yetmagan) M.A. "Lacetti" rusumli avtomobilda A.Charxiy ko‘chasida qarama-qarshi harakatlanish uchun mo‘ljallangan tomonga chiqib harakatlangan va xavfli manyovr bilan o‘z yo‘nalishiga o‘tayotgan vaqtda boshqaruvni yo‘qotib, qarama-qarshi yo‘nalishlarni ajratib turuvchi to‘siq va unga o‘rnatilgan ustunga to‘qnashgan.

YTH natijasida, ushbu qoidabuzar haydovchi tan jarohati bilan shifoxonaga murojaat qilgan.

YTH yuzasidan Qo‘qon shahar IIB YHXB xodimlari tomonidan surishtiruv harakatlari olib borilmoqda.

Barcha ota-onalardan voyaga yetmagan farzandlariga e’tiborli bo‘lishlarini, haydovchilik guvohnomasiga ega bo‘lmay turib avtomobil boshqarishga ruxsat bermasliklarini so‘raymiz.