2022-yil 3-aprel kuni soat 20:55 larda Surxondaryo viloyati, Termiz shahar, At-Termiziy shoh koʻchasida haydovchi, 1995-yilda tugʻulgan M.Sh. boshqaruvidagi “Nexia-3” rusumli hamda haydovchi, 1998-yilda tugʻulgan M.S. boshqaruvidagi “Toyota” rusumli va haydovchi, 1992-yilda tugʻulgan Sh.B. boshqaruvida boʻlgan “Cobalt” rusumli avtomobillar ishtirokida YTH sodir boʻlgan.

Ushbu YTH oqibatida “Cobalt” rusumli avtomobilda yongʻin yuzaga kelgan. Hodisa joyiga zudlik bilan oʻt oʻchiruvchilar yetib kelgan va yongʻin oʻchirilgan.

YTH va yuzaga kelgan yongʻin natijasida “Cobalt” rusumli avtomobil salonida boʻlgan yoʻlovchi, 1985-yilda tugʻilgan J.B. voqea joyida vafot etgan.

Hozirda mazkur YTH yuzasidan Termiz shaxar IIO FMB TB tomonidan dastlabki tergov harakatlari olib borilmoqda.

Barcha haydovchilardan qoidalarga rioya qilib, ehtiyotkorlik bilan harakatlanishlarini soʻraymiz.