Dastlabki maʼlumotlarga koʻra, bugun, 2022-yil 26-yanvar kuni soat 09:20 larda, Andijon viloyati, Xoʻjaobod tumani hududidan oʻtuvchi A-373 avtomobil yoʻlining 450-kilometrida haydovchi, 1974-yilda tugʻilgan A.M. “Damas” rusumli avtomobilda harakatlanayotgan vaqtda, transport vositasining dvigatel qismida qisqa tutashuv sodir boʻlib, haydovchi avtomobilni zudlik bilan toʻxtatgan. Qisqa tutashuv ortidan yongʻin yuzaga kelgan. Yongʻin oʻt oʻchiruvchilar tomonidan bartaraf etilgan.

Yongʻin natijasida tan jarohati olgan fuqarolar yoʻq.

Mazkur hodisa yuzasidan tuman FVB va YHXB xodimlari tomonidan surishtiruv olib borilmoqda.

Barcha haydovchilardan boshqaruvidagi transport vositasining texnik sozligiga eʼtiborli boʻlishlarini soʻraymiz.