Bugun, 2022-yil 21-aprel kuni soat 09:30 larda, Yangiyer shahar, Paxtakor koʻchasida joylashgan “Vatanparvar” tashkiloti binosining roʻparasida toʻxtab turgan, 1994-yilda tugʻilgan fuqaro B.Q. boshqarib kelgan “Nexia-3” rusumli avtomobilning gaz ballonida portlash sodir boʻlgan.

Hodisa natijasida, tan jarohati olgan fuqarolar yoʻq. Avtomobil shikastlanib yaroqsiz holga kelgan. Shuningdek, yaqinda toʻxtab turgan 2 ta transport vositalariga hamda atrofdagi choyxona binosining oynalari sinib zarar yetgan.

Ushbu holat yuzasidan viloyat FVB va IIB JXX YHXB xodimlari tomonidan surishtiruv harakatlari olib borilmoqda.

Barcha haydovchilardan boshqaruvidagi transport vositasining texnik sozligiga eʼtiborli boʻlib, xavfsizlik qoidalariga toʻliq rioya qilishlarini soʻraymiz.